AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

AGBU Manoogian-Demirdjian School Community Celebrates Armenian Independence Day / Հայաստանի անկախութեան 26րդ տարեդարձի տօնակատարութիւններ ՀԲԸՄ Մանուկեան-Տեմիրճեան վարժարանէն ներս

Հայաստանի անկախութեան 26րդ տարեդարձի տօնակատարութիւններ ՀԲԸՄ Մանուկեան-Տեմիրճեան վարժարանէն ներս

Սեպտեմբեր 21ին եւ 24ին տօնական հագուստ հագած էր ՀԲԸՄ Մանուկեան-Տեմիրճեան վարժարանը: Հինգշաբթի օր մինչեւ կէսօր շարունակուեցան դասերը իրենց սովորական հունով, իսկ ճաշի դադարէն ետք, զանազան միջոցառումներ տեղի ունեցան: Դպրոցը զարդարուած էր եռագոյն դրօշակներով եւ փուչիկներով, շնորհիւ «Հայ Ոգի» յանձնախումբին, հայկական երաժշտութիւն կը հնչէր եւ տրամադրութիւնները բարձր էին:

Նախակրթարանի բաժին

Ա.- Հանդիսութիւն հանդիսասրահին մէջ: Մանկապարտէզէն հինգերորդ դասարանի աշակերտները հաւաքուեցան Աղաճանեան հանդիսասրահ, ուր տեղի ունեցաւ անկախութեան նուիրուած միջոցառում: Հայաստանի քայլերգը կատարեց ամբողջ աշակերտութիւնը, դաշնամուրի ընկերակցութեամբ երաժշտութեան ուսուցչուհի Օրդ. Արուս Անդրէասեանի: Բացման խօսքով հանդէս եկաւ Օրդ. Զեփիւռ Տէմիրճեան: Հանդիսավարն էր Պրն. Հրաչ Սեփեթճեան: Ցուցադրուեցաւ տեսանիւթ՝ վիտէօ, 11րդ դասարանի Հայաստան կատարած այցելութենէն, որմէ ետք բոլոր դասարանները մէկ առ մէկ հանդէս եկան Հայաստանին նուիրուած խմբային բանաստեղծութիւններով:

9րդ դասարանէն 9 աղջիկներ «Սասնայ աղջիկ» պարով խանդավառեցին երեխաները, որուն յաջորդեց Հայաստանի մասին ճանաչողական տեսանիւթ մը: Հանդիսութեան աւարտին, Glee Club-ը հանդէս եկաւ հայրենասիրական երկու երգերով, որուն յաջորդեց խմբերգ մը բոլորին կողմէ: Փակման խօսքը կատարեց վարժարանիս տնօրէնուհի Տիկ. Արփի Աւանէսեան:

- Նախակրթարանի աշակերտներ դուրս գալով սրահէն, դպրոցին տարածուն բակին մէջ գունաւոր կաւիճներով Հայաստանի անկախութեան առիթով գծեցին ու ստեղծագործեցին: Հաճելի էր տեսնել խանդավառութիւնը, որ կը տիրէր աշակերտներուն մէջ:

Ապա, կարճ դադարէ մը ետք, նախակրթարանի բոլոր աշակերտները քով-քովի գալով պատրաստեցին հսկայական հայկական եռագոյն դրօշակ մը:

Երկրորդականի բաժին

Կէսօրուան ժամը 1:30էն 2:30 տեղի ունեցաւ 6-12րդ դասարաններու Հայաստանի անկախութեան տօնակատարութիւնը: Հայաստանի քայլերգը կատարեց 7րդ դասարանի երգչախումբը, ընկերակցութեամբ դպրոցին նուագախումբին, ղեկավարութեամբ երաժշտութեան ուսուցչուհի՝ Տիկ. Քրիսթին Խոջայեանի: 7րդ դասարանի երգչախումբը երգեց նաեւ «Ջան Երեւան»: 6րդ դասարանէն Լիլիա Անտոնեանի մեներգը խանդավառեց բոլոր ներկաները, իսկ Glee Club-ի աղջիկները հանդէս եկան «Գետաշէն» երգով:

Օրուան խորհուրդը փոխանցեց տնօրէնուհի Տիկ. Արփի Աւանէսեան, որ այս տարի 11րդ դասարանին հետ այցելած էր Հայաստան, ընկերակցութեամբ Տիկ. Ռոզալին Մատոյեանի, Տիկ. Աննա Մկրտչեանի եւ Պրն. Յովհաննէս Գումրուեանի: Իսկ անցեալ տարուան 11րդ դասարանէն այլ խումբ մը, Տիկ. Աննա Եարալեանի հսկողութեան տակ Հայաստանի մէջ աշխատանքային փորձ ձեռք բերաւ:

Հայաստանի տեսարժան վայրերու, հայրենի հողին ու կարօտին մասին  ներկաները լսեցին անցնող Յունիսին Հայաստան այցելած բոլոր աշակերտներու խօսքերէն հատուածներ, որոնք ընթերցեցին Քրիսթին Յակոբեան եւ Նանօր Տէր Պետրոսեան: Աւարտական դասարանէն Լիլիա Եարալեանի գրած տպաւորութիւնները ընթերցեց իր դասընկերուհին՝ Անահիտ Արըճեան, իսկ Հայկ Մխսեան պատմեց, թէ ինչպէս օգնեց Օրրան մանկատան փոքրիկներուն: Վերջապէս, ներկաները վայելեցին 11րդ դասարանի Հայաստան այցելութեան տեսանիւթը, որմէ ետք Պրն. Սեփեթճեանի փակման խօսքով վերջ գտաւ հանդիսութիւնը: Հանդիսավարն էր 11րդ դասարանէն Արսինէ Գոլանջեանը, որ գերազանցօրէն վարեց հանդէսը:  

Յարութ Յակոբեանի համերգը

Օրուան վերջաւորութեան, ամբողջ դպրոցը՝ նախամանկապարտէզէն մինչեւ աւարտական դասարան ներկայ գտնուեցաւ հանրածանօթ եւ սիրուած երգիչ Յարութ Յակոբեանի համերգին, դպրոցին բակին մէջ: Աշակերտութիւնը ազգագրական եւ ժողովրդական պարեղանակներու տակ պարեց երկար ժամանակ, խանդավառութիւնը հասցնելով գագաթնակէտին:

Նշենք, թէ կէսօրուան ճաշը՝ հայկական հերիսա, յատկապէս պատրաստուած էր եւ հրամցուած Esso Bistro-ին կողմէ: Շնորհակալութիւն նաեւ «Հայ Ոգի» յանձնախումբի տիկիններուն, PTO-ին, տնօրէնութեան, ուսուցչական կազմին եւ աշակերտութեան, որոնք իրենց մասնակցութեամբ յիշատակելի օր մը նուիրեցին դպրոցին:

Շնորհաւոր 26-ամեակդ, Հայաստա՛ն:

* * *

ՀԲԸՄ Մանուկեան-Տեմիրճեան վարժարան

Հայաստանի անկախութեան տօնակատարութիւն-խրախճանք դպրոցէն ներս

Կազմակերպութեամբ Ծնողա-ուսուցչական մարմինին՝ PTO-ին, Կիրակի, 24 Սեպտեմբերի յետմիջօրէին, վարժարանին մէջ տեղի ունեցաւ տօնակատարութիւն-խրախճանք նուիրուած Հայաստանի անկախութեան 26րդ տարեդարձին:

ՀԲԸՄ-ՀԵԸի Սան Ֆերնանտօ Հովիտի մասնաճիւղի փողերախումբը (marching band) հանդէս եկաւ դրօշակի արարողութեամբ եւ քայլերգներով: Զուգերգ կատարեցին Քարին Ուրունճաքճիէլ՝ հինգերորդ եւ Ալեքսա Սվաճեան՝ վեցերորդ դասարաններ, դաշնամուրի ընկերակցութեամբ Օրդ. Արուս Անդրէասեանի:

Արժ. Տէր Շնորհք աւագ քահանայ Տէմիրճեանի աղօթքէն եւ ճաշի օրհնութենէն ետք, օրուան հանդիսավար Պրն. Հրաչ Սեփեթճեան հրաւիրեց այս տարեշրջանի Ծնողա-ուսուցչական կազմի համա-ատենապետուհիները՝ Ալին Ուրունճաքճիէլն ու Լիզ Զօրեանը, որոնք հայերէն եւ անգլերէն լեզուներով հանդէս եկան բարի եկաքի եւ բացման խօսքերով: Խօսք առաւ նաեւ վարժարանիս Հոգաբարձական կազմի անդամ Տոքթ. Ալէն Գարակէօզեան:

Գեղեցկօրէն զարդարուած էր բեմը, ուրկէ ելոյթ ունեցաւ հանրածանօթ երաժիշտ Արա Տապանճեան եւ իր նուագախումբը: Վարժարանիս եւ Ara Dance Studio-ի զոյգ պարախումբերը, մէկը միւսին յաջորդող գեղեցիկ կէս ժամ մը պարգեւեցին ներկաներուն: Շնորհակալութիւն զոյգ պարուսոյցներ՝ Անայիս Աւանէսեանին եւ Արա Մելքոնեանին: Մեր աշակերտուհիներէն Նաթալի Մոմճեանին հետ զուգապարով հանդէս եկաւ արհեստավարժ արուեստագէտ Վատիմ Լիւպուշքին:

Օրուան ճաշը սպասարկեցին Աշակերտական Խորհուրդի անդամները, իսկ ճաշը պատուիրուած էր Esso Bistro-էն: Շնորհակալութիւն Տիկ. Ռոզալին Մատոյեանին, որ կազմակերպած էր աշակերտութեան ներկայութիւնը եւ աշխատանքը:

Օրուան վերջաւորութեան ներկաները հայկական երաժշտութեան տակ շարունակեցին իրենց խանդավառ մթնոլորտը պարելով:

Խրախճանքին ներկայ էին տնօրէնուհի Տիկ. Արփի Աւանէսեան, հոգաբարձութեան անդամներ, ՀԲԸՄ-ի անցեալի թէ ներկայի պատասխանատուներ, ուսուցիչներ, ծնողներ եւ բարեկամներ: Հրաւիրուած էին նաեւ կրպակներ, որոնք հայկական զարդեր, գիրքեր եւ ուտեստներ կը հրամցնէին ներկաներուն:

Շնորհակալութիւն Ծնողա-ուսուցչական մարմինին, որոնց կը պարտինք ցերեկոյթին յաջողութիւնը:

* * *

Ծաղկոցի աշակերտները նշեցին Հայաստանի անկախութեան տարեդարձը

Հինգշաբթի, Սեպտեմբեր 21ին, Ծաղկոցի աշակերտութիւնը նշեց Հայաստանի անկախութեան տարեդարձը  հագած ազգային եռագոյնի երանգներով շորեր: Տիկ. Անի Պատաքեան փոքրիկներուն մատչելի լեզուով խօսեցաւ հայ ըլլալուն, հայկական արժէքներուն, լեզուին եւ սովորութիւններուն կարեւորութեան մասին, ցուցադրելով նաեւ պատկերներ:

 

Աշակերտները հանդէս եկան հայերէն երգերով, ղեկավարութեամբ Տիկ. Մարինէին եւ երթ կատարեցին դպրոցին շուրջ, բարձր բռնած Հայաստանի դրօշակներ, որոնք պատրաստած էին իրենք: Կէսօրէ ետք,  Արտեմիս Նազարեան ծաղկոցի աշակերտները միացան ամբողջ դպրոցին, վայելելով երգիչ Յարութ Յակոբեանի համերգը:

 

***

Celebrating Armenia’s 26th Anniversary of Independence at AGBU Manoogian-Demirdjian School

On September 21 and 24,  AGBU Manoogian-Demirdjian School celebrated Armenia’s Independence Day. On the 21st, campus was decorated with the colors of Armenia’s flags and balloons as Armenian played through speakers thanks to the organizational efforts of the Hye Vokee committee.

Elementary School

  1. Students from kindergarten through grade 5 gathered in the Agajanian Auditorium where they enjoyed an event dedicated to independence. The students sang Armenia’s national anthem with piano accompaniment by Ms. Arus Andreassian. Ms. Zepure Demirjian delivered the welcome address, Mr. Hratch Sepetjian was the emcee, and the students watched a video about the 11th grade students trip to Armenia before reciting Armenian poetry.

A group of 9 students from 9th grade danced the Sasnah Aghchig followed by a video about Armenia. Next, the Glee Club sang patriotic songs followed by closing remarks delivered by Principal Avanesian.

- After leaving the auditorium, the students entered the school’s outdoor quad where they used colored chalk to represent their excitement for Armenia’s independence.

After a short break, the elementary students -- wearing shirts in orange, red, and blue -- assembled to form a human Armenian flag.

Secondary School

Students from grades 6 through 12 celebrated Armenia’s independence in the afternoon with a singing of the national anthem and Jan Yerevan by the 7th grade singing group with accompaniment by the school band under the leadership of music teacher Mrs. Kristina Khodjoian. Lilya Antonyan of the 6th grade sang a solo song followed by Kedashen sung by the Glee Club.

The day’s keynote address was given by Principal Arpi Avanesian who accompanied this year’s 11th grade class to Armenia over the summer with Mrs. Rozalin Madoyan, Mrs. Anna Mrtchyan, Mrs. Anna Yaralian, and Mr. Hovhannes Gumruyan.

Students Kristine Hakobyan and Nanor Bedrosian spoke to the assembly about their experiences in and reflections about Armenia. Senior Anahit Arjian read her classmate’s Lilia Yaralian's writings about her time in Armenia. Haig Mkhsian shared experiences helping the Orran orphanage. Mr. Sepetjian delivered closing remarks and 11th grader Arsine Kolanjian closed the ceremony.

Harout Hagopian Concert

At the end of the day, the entire student body from preschoolers to the graduating class came together on the campus quad to enjoy a concert by singer Harout Hagopian.  

Thank you Esso Bistro for providing Armenian Harissa during lunch, and to the Hye Vokee Committee, PTO, administration, faculty, and students for making the day one full of spirit and wonderful memories.

Happy 26th anniversary, Armenia.

***

On September 24, the PTO organized a celebration dedicated to Armenia’s 26th anniversary of independence.

The AGBU-AYA San Fernando Valley chapter’s marching band presented flags and anthems to commence the celebration. A duet was then performed by Karin Oruncakciel (5th grade) and Alexa Svadjian (6th grade) with piano accompaniment by Ms. Arus Andreassian.

After Fr. Shnork Demirjian offered prayers and blessings for the meal, the event’s emcee Mr. Hratch Sepetjian invited PTO Co-Chairladies Aleen Oruncakciel and Liz Zoryan who welcomed the guests and introduced the event in both Armenian and English.  In addition, Board of Trustees member Dr. Alain Karaguezian addressed the audience.

Ara Dabandjian and his band performed on the beautifully decorated stage, followed by dance ensembles trained by instructors from the school and Ara Dance Studio: Anais Avanesian and Ara Melkonian. Student Natalie Momjian danced with professional dancer Vadim Lyubushkin.

Dinner was prepared by Esso Bistro and served by members of the student government. Thank you to Mrs. Rozalin Madoyan who organized the students’ participation.

In attendance were Principal Arpi Avanesian, members of the Board of Trustees, members of AGBU’s past and present committee members, teachers, parents, and friends.  

Thank you to the PTO who organized this wonderful event and deserve appreciation and great fortune for their forthcoming efforts in shining their light upon our community.

***

 

On Thursday, September 21 all preschool students gathered on the preschool turf for an assembly on the occasion of the Armenian Independence Day. They were all wearing red, blue and orange shirts representing the Armenian flag colors. Mrs. Ani Badakian did a brief presentation on the importance of being Armenian, the values, the culture, the language and some of the important traditions. She showed colorful pictures depicting important landscapes of our country as well as dancing, bread making, and much more. The students then sang two Armenian songs with Mrs. Marine and marched around the school holding Armenian flags that they had prepared themselves. In the afternoon, our students joined the entire school student body on the Quad area to enjoy the singer, Harout Hagopian. They had a great celebration!