AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

May-Month of Victories 2015 - Surprise Concert by Harout Pamboukjian! ՄԱՅԻՍ՝ ՅԱՂԹԱՆԱԿՆԵՐՈՒ ԱՄԻՍ

Մանկապարտէզէն 11-րդ դասարանի աշակերտները Նազարեան մարզասրահին մէջ վայելեցին օրուան երեք հանդիսավար ուսուցիչներուն՝ Տիկին Հուրի Խեչումեանի, Տիկին Մարալ Ոսկեանի եւ Պրն. Յովհաննէս Գումրուեանի գօտեպնդիչ ելոյթները: Հրաւիրուեցաւ վաստակաշատ տնօրէն Պրն. Յակոբ Յակոբեանը, որուն նուիրուեցաւ  յաղթական այս հաւաքը, մաղթելով երկար եւ առողջ տարիներ: Պարոն Յակոբեանի սրտի խօսքէն ետք, ամէն մէկ դասարան հանդէս եկաւ հայրենասիրական կանչով մը, խանդավառելով սրահը:

Օրուան անակնկալն էր սիրուած երգիչ Յարութ Փամպուքճեանի ներկայութիւնը: Անոր մուտքն ու երգը ծովային ալիքներ ստեղծեցին նստարաններուն վրայ, իսկ քիչ ետք արդէն Նազարեան հսկայ մարզադաշտը նեղ կու գար աշակերտութեան որպէս պարահարթակ: Մեծ ու փոքր, աշակերտ եւ ուսուցիչ թեւ թեւի կը պարէին, անմոռանալի պահերու բարի յիշատակներով:

Շնորհակալութիւն PTO-ին՝ Ծնողա-Ուսուցչական Մարմինին, անոր ատենապետուհի Տիկ. Ալին Փաթաթեանին եւ բոլոր տիկիններուն, ինչպէս նաեւ Հայերէնի Բաժանմունքի ուսուցիչ-ուսուցչուհիներուն:

Մայիս՝ Յաղթանակներու Ամիս: Վերածնունդ եւ միշտ յառա՛ջ:

To view pictures, click here.