AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

ՍՐԲՈՑ ՎԱՐԴԱՆԱՆՑ ԵՒ ԱՐՑԱԽԵԱՆ ՀԵՐՈՍՆԵՐՈՒ ՅԻՇԱՏԱԿԻ ՀԱՆԴԻՍՈՒԹԻՒՆ

4-րդ եւ 5-րդ դասարանցիները խօսքով, ասմունքով եւ խմբերգներով հանդէս եկան Վարդանանց հերոսամարտի թեմայով, իսկ Արցախեան բաժինը ստանձնած էին շուրջ 20 ութերորդցիներ: Ցուցադրուեցան նաեւ օրուան խորհուրդին պատշաճ տեսանիւթեր:
Շնորհաւորելի են մասնակից բոլոր աշակերտ-աշակերտուհիները, ինչպէս նաեւ օրուան յայտագիրը պատրաստող նախակրթարանի հայերէնի ուսուցչուհիները, բայց մանաւանդ Տիկին Մարալ Ոսկեանը, երգի ուսուցչուհի Օրդ. Արուս Անդրէասեանը եւ 8-րդ դասարանի հայերէնի ուսուցչուհի Տիկ. Ռոզալին Մատոյեանը:

Հանդիսութեան բացման խօսքը կատարեց Տիկ. Ոսկեան, որ հրաւիրեց Արժ. Տէր Շնորհք Աւագ Քհնյ. Տէմիրճեանը աղօթքով բացումը կատարելու հանդիսութեան: Փակման շնորհակալական խօսքը փոխանցեց Պրն. Սեփեթճեան:

Շնորհաւորութիւններ բոլոր մասնակիցներուն եւ շնորհակալութիւն ծնողներուն, ներկայ թէ նախկին ուսուցիչներուն, հոգաբարձական կազմին եւ տնօրէնութեան: 

Շնորհակալութիւն Ս. Պետրոս եկեղեցւոյ Տիկնանց Յանձնախումբին, որոնք յանձն առած էին աւելի քան 250 հոգիի օրուան ճաշի՝ մանթիի սպասարկումը: