AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

Արցախի հետ, Արցախի համար

Սիրելի ծնողներ, աշակերտներ և ՀԲԸՄ Մանուկեան-Տեմիրճեան Վարժարանի մեծ ընտանիք:

Կիրակի, Սեպտեմբեր 27-ին Ազրպէյճանի կողմէ սկսած պատերազմը Արցախի և հայութեան դէմ կը շարունակուի արձանագրելով տասնեակներով զոհեր եւ աւերածութիւններ: Թշնամին լայնատարած յարձակումի անցած է օգտագործելով վարձկան զինուորներ: Ի պատիւ Արցախի և Հայաստանի պաշտպանական բանակներուն, արժանի դիմադրութիւն ու հակահարուած ցոյց կու տան մեր հերոս զինուորները:

Այսօր, մեր պարտքն է ձայն բարձրացնել ամերիկեան ամենաբարձր մակարդակներու վրայ, որպէսզի Միացեալ Նահանգները ճնշում բանեցնէ Ազրպէյճանի վրայ, վե՛րջ տալու յարձակումներուն հայ խաղաղ բնակչութեան դէմ, վե՛րջ տալու զէնքով հարցերը լուծելու անմարդկային արարքին: Մենք խստիւ կը դատապարտե՛նք Ազրպէյճանն ու իրեն հետ գործակցող Թուրքիան և կը միանանք համայն հայութեան արդար պայքարին:

Ըլլանք զգօ՛ն և պատրա՛ստ հասնելու մեր քոյրերուն եւ եղբայրներուն, որոնք ինչպէս երէկ, այսօր նոյնպէս կարիքը ունին մեր անուշ խօսքին, մեր աջակցութեան, մեր օգնութեան:

Մեր ձայնը հասցնենք Ամերիկեան Քոնկրէս, դիմենք որպէսզի Միացեալ Նահանգները դադրի զինել Ազրպէյճանը, դադրեցնէ ռազմական աջակցութիւնը այդ երկրին:

Հետեւեալ կապով, դիմեցէ՛ք Ամերիկեան Քոնկրէսին, որպէսզի Ամերիկայի Միացեալ Նահանգները ճնշում բանեցնէ Ազրպէյճանի վրայ՝ վե՛րջ տալու արիւնահեղութեան, վե՛րջ տալու անմարդկային յարձակումներուն:

https://cqrcengage.com/aaainc/app/write-a-letter?3&engagementId=509435&fbclid=IwAR2Nq4I2Zo4ye0iTIKNGreRayAf2S9vC12M9cg7PTarrVvty_IqfDVVg-Nc

 

 Կեցցէ՛ Արցախը, կեցցէ՛ համայն հայութիւնը:

 

ՏՆՕՐԷՆՈՒԹԻՒՆ

ՀԲԸՄ ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆԻ