A.G.B.U. Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

"Yerevan, Yerevan" - Celebrating 2800 years of our capital

Հինգշաբթի, Նոյեմբեր 8-ին, ՀԲԸՄ Մանուկեան-Տեմիրճեան վարժարանի հանդիսասրահին մէջ տեղի ունեցաւ «Երեւան Երեւան» մշակութային ճոխ երեկոն, նուիրուած Էրեբունիի հիմնադրութեան 2800-ամեակին։ 
Ամբողջ մէկուկէս ժամ հնչեց Երեւանը երգով ու պարով, խօսքով ու երազանքով, չորրորդ, վեցերորդ, եօթներորդ եւ բարձրագոյն կարգերու աշակերտներու կողմէ։ Թէ՛ թատերական  պատկերները, թէ՛զոյգ երգչախումբերն ու պարախումբերը, թէ՛ անհատական կատարումնըրը, մէկը միւսը գերազանցեց։ Իսկ դուրսը, բակին մէջ նախքան միջոցառումը տեղի ունեցաւ շախմատի կայծակնային մրցում քսանութ աշակերտ, ծնողք եւ ուսուցիչ «շախմատիստ»ներու միջեւ, նուիրուած Երեւանի 2800-ամեակին։
Օրուան հիւրն էր Լոս Անճելըսի մէջ Հայաստանի Հանրապետութեան Գլխաւոր հիւպատոս Դոկտ. Արմէն Բայբուրդեան, իր ազնիւ տիկնոջ եւ երկու դուստրերուն հետ։ Ան, տարիներ առաջ, երբ դարձեալ Գլխաւոր հիւպատոսն էր Լոս Անճելըսի մէջ, անոր երկու աղջիկները եղած են մեր վարժարանի աշակերտները։ 
Դոկտ. Բայբուրդեան բարձրօրէն գնահատեց վարժարանիս կատարած հայապահպանման դերը եւ օրուան միջոցառումը, ինչպէս նաեւ շնորհաւորեց ծնողներն ու դպրոցը, աշակերտներուն յաջող ելոյթին առիթով։
«Երեւան Երեւան» միջոցառման յաջողութեան իրենց նպաստը բերին Հայերէնի բաժանմունքի ուսուցիչները, ինչպէս նաեւ երաժշտութեան եւ պարի դասատուները։
Կը շնորհաւորենք բոլոր մասնակից աշակերտները։