AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

ARMENIAN WOUNDED HERO SARGIS STEPANYAN AT A.G.B.U.MDS

ՀԲԸՄ Մանուկեան-Տեմիրճեան վարժարանի աշակերտութիւնը անմոռանալի հանդիպում ունեցաւ Հայոց Բանակի մայոր Սարգիս Ստեփանեանի հետ

Հինգշաբթի, Ապրիլ 26-ի առաւօտեան, ՀԲԸՄ-ի Մանուկեան-Տեմիրճեան վարժարանի 6-12րդ դասարաններու աշակերտութիւնը վայելեց ներկայութիւնը Հայոց Բանակի մայոր, աշխարհի բազկամարտի եռակի ախոյեան Սարգիս Ստեփանեանին, ընկերակցութեամբ իր տիկնոջ՝ Արմինէի, Տէր եւ Տիկ. Վահիկ եւ Ալիս Պետրոսեաններու եւ վարժարանին հոգաբարձութեան անդամ Տէր եւ Տիկ. Գէորգ եւ Լիզ Զօրեաններու:
Հիւրերը դի...մաւորուեցան շուրջ 300 աշակերտներու ծափողջոյններուն տակ: Բացման խօսքով հանդէս եկաւ վարժարանիս տնօրէնուհին՝ Տիկ. Արփի Աւանէսեան: Ապա, խօսքը տրուեցաւ օրուան հիւրին, որ ականի պայթիւնի հետեւանքով 2014-ին կորսնցուցած էր երկու սրունքները եւ մէկ թեւը, երբ փորձած էր օգնութեան հասնիլ զինուոր ընկերոջ մը: Մայոր Ստեփանեանի խօսքը դիպուկ էր: Ան պատմեց բանակէն, Արցախէն, իր վիրաւորուելուն, հայրենիքին ու մեր զինուորներուն մասին: Ստեփանեան նաեւ մարզիկ է, բազկամարտով (arm wrestling) կը զբաղի եւ աշխարհի մրցումներու եռակի յաղթող է հաշմանդամութիւն ունեցողներու մէջ:
Ան խօսեցաւ նաեւ Armenian Wounded Heroes Fund-ին մասին, որուն շնորհիւ այստեղ Միացեալ Նահանգներ եկած է ան հանգանակութեան օժանդակելու համար: Այս կազմակերպութիւնը հիմնուած է երկու տարի առաջ, Ապրիլեան պատերազմէն ետք, եւ մինչեւ հիմա 600 հազար տոլարի օգնութիւն փոխանցած է Արցախի մեր սահմանները պահող զինուորներուն:
11-րդ դասարանէն Քրիսթին Յակոբեան եւ 12-րդ դասարանէն Հայկ Մխսեան փոխանցեցին իրենց սրտի խօսքերը եւ թէ ինչպէս ամէն տարի մեր դպրոցի աշակերտները Helping People through Arts Club-ին կողմէ կ’օգնեն հայ զինուորներուն:
Արտասանութիւններով հանդէս եկան եւ խանդավառեցին 6-րդ դասարանցիներ Անի Յակոբեան եւ Նիքոլ Զիպտէա:
Հանդիպումին անակնկալը հանդիսացաւ, երբ 11-րդ դասարանէն Սերգէյ Ասատրեան, 12-րդ դասարանէն Արթուր Տէր Պօղոսեան եւ տնօրէնուհի Տիկ. Արփի Աւանէսեան բազկամարտի «ձեռնոց նետեցին» մեր հիւրին: Տրամադրութիւնները հասան իրենց գագաթնակէտին: Եւ յաղթեց... Հայաստանը, Արցախը, հայ ժողովուրդը:
Աւարտին, Տիկ. Աւանէսեան շնորհակալութիւն յայտնեց մայոր Ստեփանեանին, անոր տիկնոջ՝ Արմինէին, որուն ուսերուն դրուած է ծանր պարտականութիւն մը այսօր: Փոքրիկ նուէր մը, ինչպէս նաեւ դպրոցական յուշանուէրներ յանձնելէ եւ խմբային յիշատակի լուսանկարէ մը ետք հիւրերը մեկնեցան:
Իր տեսակին մէջ եզակի, սակայն շատ ոգեւորիչ հանդիպում մըն էր, որ երկարօրէն պիտի մնայ աշակերտութեան յիշողութեան մէջ:

Armenian Wounded Hero Major Sargis Stepanyan visited our school and inspired our students with his courage, love of country and determination. Our students performed poems and welcomed him wholeheartedly. A nice program was had after which he addressed the students. Being a champion in arm wrestling, couple of our students tried to challenge him.

Maj. Sargis Stepanyan, a soldier in Armenia’s elite Special Forces unit, was severely wounded during a rescue operation in the summer of 2014. He was rescuing a wounded comrade soldier in the “no-man’s land” between Armenia and Azerbaijan, he was wounded stepping on a land mine which took both his legs and his right arm. He survived incredibly! Maj. Stepanyan continues service in the army, and now is part of the Armenian Wounded Heroes project/Fund and member of their board. He currently mentors wounded soldiers and encourages them. With one left arm, he is also a world champion in arm-wrestling having won two gold medals and one silver. We have million thanks to give to Major Stepanyan for inspiring and motivating our students.

This was an emotional yet an amazing get together with our students.