AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

Visit Armenia, it is Beautiful Essay Contest

“Visit Armenia it is Beautiful” Essay Contest

Վաչակ Ոսկեան շահեցաւ շարադրութեան մրցանքին առաջնութիւնը

 

 

Հինգերորդ տարին ըլլալով, Պրն. Արա Պոյաճեանի մտայղացմամբ տեղի կ'ունենայ աշակերտական շարադրական մրցանք մը, նիւթ ունենալով՝ «Այցելէ՛ Հայաստան. ան գեղեցիկ է»:

Այս մրցանքին մրցանակաբաշխութիւնը այս տարի տեղի ունեցաւ Չորեքշաբթի, Մարտ 14-ին, «Ռաֆֆի» հայ կեդրոնին մէջ՝ Հոլիվուտ:

Իրենց շարադրութիւններով մասնակցած էին մեծ թիւով թէ՛ հայկական եւ թէ՛ հանրային դպրոց յաճախող հայ աշակերտներ, գրելով հայերէն կամ անգլերէն լեզուներով:

Հանդիսութեան բացման խօսքը արտասանեց Պրն. Արա Պոյաճեան: Ան հրաւիրեց դատական կազմի անդամներէն մաս մը, որոնք նոյնպէս խօսք առին եւ խրատական, ինչպէս նաեւ շնորհաւորական խօսքեր ուղղեցին բոլոր մասնակիցներուն:Անոնցմէ տասնմէկը շահեցան նիւթական մրցանակներ, որոնց համար կային հովանաւոր ընտանիքներ եւ հաստատութիւններ:

Առաջին երեք մրցանակ շահողները ընթերցեցին իրենց գրութիւնները, ինչպէս նաեւ խրախուսական մրցանակ շահողներէն մէկը: Ուրախ ենք յայտնելու, որ այս մրցանքին առաջնութիւնը շահեցաւ ՀԲԸՄ Մանուկեան-Տեմիրճեան վարժարանի աշակերտներէն, տասերորդ դասարանցի Վաչակ Ոսկեանը, իսկ Ալեքսանդրա Եարալեան, 12րդ դասարան,  արժանացաւ խրախուսական մրցանակի: Ի դէպ, վերջինս, սիրով իր նուէրը պիտի փոխանցէ Հայաստանի նպաստընկալ երեխաներու:

Կը շնորհաւորենք մեր երկու աշակերտները, ինչպէս նաեւ կազմակերպիչ Պր. Արա Պոյաճեանն ու անոր ընտանիքի անդամները, որոնց նախաձեռնութեամբ, եւ ամբողջ տարուան մը աշխատանքով այս տարի եւս յաջողութեամբ պսակուեցաւ այս ծրագիրը:

 #agbumds