AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

«Մենք ենք մեր մշակոյթը» գեղարուեստական երեկոն մեծ բաւականութիւն պատճառեց ներկաներուն

Հայ մշակոյթի ամսուան գեղարուեստական երեկոն նուիրուած էր մեծանուն հայ ծովանկարիչ Յովհաննէս Այվազովսքիի ծննդեան 200րդ տարեդարձին, որ տեղի ունեցաւ Ուրբաթ, Հոկտեմբեր 20ի երեկոյեան, վարժարանի «Աղաճանեան» սրահին մէջ։

 

Հանդիսութեան իրենց մասնակցութիւնը բերին նախակրթարանի, միջնակարգի թէ բարձրագոյն կարգերու աշակերտ-աշակերտուհիներ։ Տպաւորիչ էր հանդիսութեան բացումը՝ «Ովկիանոսից այն կողմ» պարով՝ վերի կարգի աշակերտուհիներ Անահիտ Արճեանի, Նաթալի Մոմճեանի եւ Քարինա Փլիկեանի կատարմամբ, Այվազովսքի՝ Քեւըն Պետրոսեան՝ 11րդ դասարան։

 

Բացման խօսքը կատարեց «Հայկական ժառանգութիւն» աշակերտական ակումբի նախագահ Նանօր Պետրոսեանը (11րդ կարգ), կարեւորելով Սրբոց Թարգմանչաց տօնը, ինչպէս նաեւ խօսելով Իւան Այվազովսքիի մեծութեան մասին։

 

«Ծովանկարիչը» գրութիւնը ընթերցեցին 9րդ կարգէն Մարք Արսլանեան, Ալեքսանդր Դաւիթեան եւ Մուշեղ Օվանէսեան, իսկ Նինա Ղազարեան ներկայացուց Այվազովսքիի կենսագրութիւնը։

 

Յայտագրին երկրորդ մասը ազգային-հայրենասիրական բնոյթ կը կրէր։ 5րդ կարգի աղջիկները հանդէս եկան «Տաւիղ» պարով, ապա 4րդ դասարանը արտասանեց «Մեսրոպ Մաշտոցին»ը թնդացնելով սրահը։ Ապա, նոյն դասարանի երգչախումբը բարձր պահեց մթնոլորտը հայրենասիրական երգերու փունջով մը («Նոր Հայաստան», «Իմ մայր Հայաստան», «Հայաստանը մենք ենք», «Իմ անունը Հայաստան է», «Հայ ենք մենք»)։

Օրուան խորհուրդը փոխանցեց օրուան հանդիսավար, վարժարանի Հայկական բաժանմունքի վարիչ Պրն. Հրաչ Սեփեթճեան։

 

Շարունակելով երաժշտական բաժինը, Ճորճիա Պեսնիլեան (7րդ կարգ) մեներգեց Կոմիտասի «Անձրեւն եկաւ»ը, իսկ երաժշտական եռեակը՝ Ալեքս Յարութիւնեան՝ ջութակ, Արմէն Օրտաքեան՝ դաշնամուր եւ Ռաֆֆի Գլարք՝ թմբուկ, մեկնաբանեց Առնօ Բաբաջանեանի «Նոքթիւրն»ը։

 

Մէկը միւս գերազանցող ելոյթները շարունակուեցան Միջնակարգի երգչախումբով՝  «Ջան Երեւան» եւ «Միասնութեան շուրջպար»։ Մշակութային երեկոն եզրափակուեցաւ 4րդ դասարանցիներուն «Բերդ պար»ով եւ «Արցախ» յաղթական պարով։

 

Շնորհաւորութիւններ բոլորին եւ շնորհակալութիւն պարուսոյցներ Անայիս Աւանէսեանին եւ Արա Մելքոնեանին, երաժշտութեան ուսուցչուհիներ Քրիսթինա Խոջայեանին եւ Արուս Անդրէասեանին, հայերէնի ուսուցիչներուն, ի մասնաւորի Տիկ. Մարալ Ոսկեանին, արուեստի ուսուցչուհի Հաննա Քոֆմանին, որուն աշակերտները պատրաստած էին ինը ծովանկարներ բեմին վրայ, Ծնողա-ուսուցչական մարմինի տիկիններուն՝ հիւրասիրութեան եւ գրասենեակի պաշտօնէութեան՝ իրենց օժանդակութեան համար։ Շնորհակալութիւն կամաւոր երկու աշակերտներու՝ Յակոբ Չինչինեանին եւ Դաւիթ Մարզպետունիին, որոնք լուսանկարեցին եւ տեսանկարեցին հանդիսութիւնը։

 

***

 

Նոյն օրը Նախակրթարանի եւ Միջնակարգի աշակերտութիւնը երկու հանդիսութիւններով վայելեց նոյն հանդիսութեան տարբեր մասեր, ուր քանոնով ելոյթ ունեցան նաեւ շրջանաւարտ դասարանէն Լիլիա եւ Ալեքսանդրա Եարալեան քոյրերը։ «Տեսնեմ Անին ու նոր մեռնեմ» եւ «Գետաշէն» երգերով անակնկալ մատուցեց պոլսահայ երգչուհի Սիպիլը, որ որպէս հիւր ժամանած էր դպրոց։ Ան իր երգերով ոգեւորեց աշակերտութիւնը։ Սիպիլ խօսքը ուղղելով աշակերտութեան, նշեց թէ որքան դժուար է հայօրէն ապրիլ այսօրուան Թուրքիոյ մէջ։

 

Արդարեւ, մշակութային փոթորիկ մըն էր Ուրբաթ, Հոկտեմբեր 20ը ՀԲԸՄի Մանուկեան-Տեմիրճեան վարժարանէն ներս։


ԹՂԹԱԿՑՈՒԹԻՒՆԸ ՎԱՐԺԱՐԱՆԷՆ

--

To enjoy the full photo album, please visit our Facebook page.