AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

Մշակոյթի ամսուան տօնախմբութիւն Արտեմիս Նազարեան Ծաղկոցին մէջ

Հայ մշակութային արժէքներու մասին համով-հոտով խօսեցաւ մանուկներուն երգ-երաժշտութեան ուսուցչուհին՝ Տիկ. Մարինէ Քէլեանը: Ան, աշակերտութեան յարմար լեզուով մէկ առ մէկ ցոյց տուաւ հայկական նուագարաններ, ազգային տարազ, խաչքար, գիր ու գիրք, ինչպէս նաեւ նուագեց ազգային այդ նուագարաններով:

Աւարտին, բոլոր աշակերտները երգեցին ու արտասանեցին Մեսրոպին ու Այբուբենին նուիրուած երգեր եւ արտասանութիւններ: Ազգային շուրջպարով վերջ գտաւ ուսանելի եւ հաճելի յայտագիրը:
Շնորհակալութիւն Տիկ. Մարինէ, ինչպէս միշտ, դուք մի՛շտ պատրաստ էք ծառայելու հայ աշակերտութեան, հայ դպրոցին, Մեսրոպին եւ Մայր Հայրենիքին: Վարձքդ՝ կատար: Շնորհակալութիւն նաեւ Արտեմիս Նազարեան Ծաղկոցի տնօրէնուհի Տիկ. Թագուշ Խոդաբախշեանին եւ բոլոր ուսուցչուհիներուն, որոնք առաջին հունտերը կը ցանեն, պատրաստելու վաղուան տիպար մարդը, օրինապահ ամերիկացին եւ հայրենասէր հայը:
--
For the full photo album, please hop over to our Facebook page.