AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

ԱԶԳ. ԱՌԱՋՆՈՐԴԱՐԱՆԻ ՄԻՋ-ԴՊՐՈՑԱԿԱՆ ԱՍՄՈՒՆՔԻ ՄՐՑՈՒՄԻՆ ԳԼԽԱՒՈՐ ՅԱՂԹԱԿԱՆԸ՝ ԳՐԱՒՈՐ ՄՇԱԿՈՅԹԸ

ԱԶԳ. ԱՌԱՋՆՈՐԴԱՐԱՆԻ ՄԻՋ-ԴՊՐՈՑԱԿԱՆ ԱՍՄՈՒՆՔԻ ՄՐՑՈՒՄԻՆ ԳԼԽԱՒՈՐ ՅԱՂԹԱԿԱՆԸ՝ ԳՐԱՒՈՐ ՄՇԱԿՈՅԹԸ

Ազգային Առաջնորդարանի նախաձեռնութեամբ, եւ Ազգ. Վարժարաններու Խնամակալ Մարմինի կազմակերպութեամբ, միջ-դպրոցական ասմունքի մրցումը տեղի ունեցաւ Շաբաթ, 11 Մարտ 2017ին, առաւօտեան ժամը 9-էն սկսեալ, գործնապէս ապացուցելով, որ մայրենիին հետ պատանի սերունդին մտերմութեան մէջ արտասանութիւնը ինչպիսի՛ բարերար ու անփոխարինելի դեր ունի:
Հայկական վարժարաններու աշակերտներուն միջեւ ասմունքի մրցումը կը կազմակերպուէր յաջորդաբար չորրորդ տարին ըլլալով եւ, մասնակիցներուն թէ ներկաներուն վկայութեամբ, տարուէ տարի բարելաւում կþարձանագրէ տարբեր գիծերու վրայ: Այս տարուան մրցումը տեղի ունեցաւ Ազգ. Վահան եւ Անոյշ Շամլեան վարժարանի սրահին մէջ, մասնակցութեամբ 48 աշակերտներու, որոնք կու գային Ազգ. Վ. եւ Ա. Շամլեան միջնակարգ, Ռոզ եւ Ալեք Փիլիպոս, Մեսրոպեան ու Ֆերահեան երկրորդական վարժարաններէն, Մարի Գապայեան նախակրթարանէն, Հ.Բ.Ը.Մ.ի Մանուկեան-Տեմիրճեան ու Վաչէ եւ Թամար Մանուկեան երկրդ. վարժարաններէն, Մոնթրոզի Հայ Քոյրերու եւ Փասատինայի Սահակ-Մեսրոպ վարժարաններէն: Հրաւիրեալ կարգ մը վարժարաններ մասնակցութիւն չբերին, որովհետեւ պետական քննութիւններու հետ խաչաձեւում ստեղծուած է:


Մրցումը նուիրուած էր Արցախի անկախութեան 25-րդ տարեդարձին եւ տեղի ունեցաւ երեք խմբակներու միջեւ. առաջին խմբակին մաս կը կազմէին 4րդ եւ 5րդ դասարաններու աշակերտներ, երկրորդ խումբին՝ 6էն 8րդ, իսկ երրորդ խումբին՝ 9էն 12րդ կարգի աշակերտներ: Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, ներկայ էին Արժ. Տ. Նարեկ Աւ. Քհնյ. Փեհլիվանեանն ու Արժ. Տ. Ղեւոնդ Քհնյ. Քիրազեան։ Ներկայ էին նաեւ Ազգ. Վարչութեան անդամներէն Տիար Ալեք Պաղտասարեան, Խնամակալ Մարմինի ատենապետուհին՝ Տիկին Լիզա Կապուտեան եւ անդամներ Տիկնայք Լենա Գորթոշեան եւ Վալենթինա Օկարեան, դաստիարակներ, ծնողներ եւ նկատառելի թիւով հանդիսականներ:


Բացման խօսքը արտասանեց Տիկին Լենա Գորթոշեան, որ հրաւիրեց Տ. Նարեկ Աւ. Քահանան՝ կատարելու բացման աղօթքը: Տէր Հայրը նաեւ փոխանցեց Առաջնորդ Սրբազանին ողջոյնները եւ յաջողութեան մաղթանքները:
Ողջոյնի խօսք արտասանեց Տիկին Լիզա Կապուտեան. ան վեր առաւ նման մրցումներուն բարերար դերակատարութիւնը՝ հայ մանուկին ու պատանիին կեանքին մէջ, մանաւանդ այն օրերուն, երբ ամէնուր մտահոգութիւն կþարձանագրուի հայերէնի նահանջին մասին: Ան մասնաւորապէս շնորհաւորեց ծնողները, որոնք իրենց զաւակներու հայեցի դաստիարակութիւնը կը վստահին Հայ Դպրոցին:


Հիւրընկալ վարժարանին կողմէ բարի գալուստի խօսք արտասանեց վարժարանի ուսուցիչներէն Տիար Վահան Մեհրապեան:


Յայտագիրը վարեց Տիար Միհրան Թումաճան, որ այս նախաձեռնութեան առաջին օրէն ի վեր, քայլ պահած է կազմակերպչական աշխատանքներուն հետ եւ կարեւոր ներդրում կþունենայ ձեռնարկին իրականացման մէջ: Ան ծանօթացուց դատական կազմի անդամները՝ Տիկին Թագուհի Արզումանեան, Գրիգոր Օկարեան, Մարալ Վարժապետեան, Սայաթ Պապումեան եւ Տոքթ. Մանուկ Սերայտարեան:
Մրցումը շարունակուեցաւ մինչեւ յետմիջօրէի ժամը 1:30: Մասնակցող աշակերտները իբրեւ նուէր ստացան »Սարդարապատ« եւ »Ապրիլ« գրախանութներուն կողմէ տրամադրուած որմազդներ, որոնք կը ներկայացնեն պատմական Հայաստանի քարտէսն ու Սայաթ Նովայի պատկերը: Խնամակալ Մարմինը, իր կարգին, աշակերտներուն եւ ուսուցիչներուն նուիրեց Արցախը խորհրդանշող գլխարկներ: Յիշեցնենք, որ այս մրցումներուն զօրակից է «Շուշի Փլազա» հաստատութիւնը, որ մրցանակ շահողներուն առիթ կ’ընծայէ մասնակցիլ Շուշիի մէջ ամրան ընթացքին տեղի ունեցող համագաղութային ասմունքի մրցումին:


Ներկաներուն թէ դատական կազմի անդամներուն վկայութեամբ, բոլոր աշակերտներն ալ ունեցան գեղեցիկ ելոյթներ եւ մրցակցութիւնը ուժեղ էր: Վստահաբար դատական կազմը դժուարութեան պիտի մատնուի՝ մրցանակաւորները որոշելու համար, սակայն մէկ բան յստակ է, բոլոր մասնակիցները արժանի են մրցանակի, իսկ մեծագոյն յաղթականը՝ Հայ Բանաստեղծութիւնն է ու մեր մանուկներուն ու պատանիներուն շուրթերուն վերապրող մեր մեծ գրողները:


Մրցանակաբաշխումի հանդէսին մանրամասնութիւնները պիտի հաղորդուին ատենին:


FOURTH ANNUAL PRELACY INTERSCHOOL RECITATION CONTEST

On Saturday, March 11, 2017, the fourth annual Interschool Recitation Contest was held at Vahan and Anoush Chamlian School in Glendale with the participation of 48 students from Chamlian, Rose and Alex Pilibos, Mesrobian, Ferrahian, Marie Cabayan, AGBU Manoogian-Demirdjian, Vatche and Tamar Manoukian, and Sahag Mesrob Schools. This annual event is held under the auspices of the Western Prelacy and is organized by the Board of Regents of Prelacy Schools in collaboration with an ad-hoc committee. This year’s contest was dedicated to the 25th anniversary of Artsakh’s independence.

 


On behalf of H.E. Archbishop Moushegh Mardirossian, Prelate, Archpriest Fr. Nareg Pehlivanian and Rev. Fr. Ghevont Kirazian attended. Also in attendance were Executive Council member Mr. Alec Baghdasaryan, Board of Regents Chair Mrs. Lisa Gaboudian, and members Mrs. Lena Kortoshian and Mrs. Valentina Ogaryan.

 


The program began with welcoming remarks by Mrs. Kortoshian. Fr. Nareg delivered the invocation and conveyed the Prelate’s blessings and commendation. Mrs. Gaboudian spoke on the importance of the event and similar events in celebrating and upholding the Armenian language and thanked the parents for entrusting the educating of their children to Armenian schools. On behalf of the host school, remarks were delivered by Mr. Vahan Mehrabian.

 


Mr. Mihran Toumajan, a member of the ad-hoc organizing committee since the inception of the contest, introduced the jury members; Mrs. Takouhi Arzoumanian, Mr. Grigor Ogaryan, Mrs. Maral Varjabedian, Mr. Sayat Baboumian, and Dr. Manoug Seraydarian.

 


The contest took place from 9:00 a.m. to 1:30 p.m. Students presented their recitations in three groups; 4th and 5th grades, 6th to 8th grades, and 9th to 12th grades. The participants all received gifts from Sardarabad and Abril Bookstores and from the Board of Regents.

 


The winners will be announced and an awards ceremony held in due time.