AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

46 ՇՐՋԱՆԱՒԱՐՏՆԵՐ ՍՏԱՑԱՆ ԵՐԿՐՈՐԴԱԿԱՆԻ ԻՐԵՆՑ ՎԿԱՅԱԿԱՆՆԵՐԸ

Շրջանաւարտներու եւ ուսուցչական կազմին պաշտօնական մուտքէն եւ քայլերգներու ունկնդրութենէն ետք, բացման խօսքով հանդէս եկաւ փոխ տնօրէնուհի Տիկին Անահիտ Նալպանտեան: Ապա յարջորդաբար խօսք առին աշակերտուհիներ Վալենթինա Սարաֆեան եւ Լարա Վարդանեան, օրուան պատգամաբեր իրաւաբան Սերժ Սինանեան, վարժարանիս տնօրէն Պրն. Յակոբ Յակոբեան, Շրջանաւարտից Միութեան ատենապետ Պրն. Ռաֆֆի Սվաճեան եւ Հոգեշնորհ Տէր Տաճատ Ծայրագոյն Վարդապետ Եարտըմեան: Բոլորն ալ շեշտեցին ուսման կարեւորութիւնը, ներկայի յաջողութիւնները, ապագայի մարտահրաւէրները եւ մաղթեցին բարի ցանկութիւններ:

Յուզիչ եւ միաժամանակ ուրախ մթնոլորտի մէջ շրջանաւարտները ստացան իրենց վկայականները ձեռամբ խորհրդատու-ուսուցչուհի Տիկ.Ռոզալին Մատոյեանի, փոխ տնօրէնուհի Տիկ. Անահիտ Նալպանտեանի, տնօրէն Պրն. Յակոբ Յակոբեանի եւ Հոգաբարձական կազմի ատենապետ Պրն. Սինան Սինանեանի: Արժանաւորներ արժանացան նաեւ աւելի քան երեսուն անուն մրցանակներու՝ դրամական պարգեւներու, որոնք երկար տարիներէ ի վեր հաստատուած են անհատներու եւ տարբեր հայկական կազմակերպութիւններու կողմէ:

Վկայականներու բաշխման հանդիսութեան աւարտին տեղի ունեցաւ հիւրասիրութիւն՝ կազմակերպութեամբ Ծնողա-Ուսուցչական Մարմինին:

Մեր ջերմագին շնորհաւորութիւնները աշակերտութեան եւ իրենց հարազատներուն: