AGBU Manoogian-Demirdjian School Հ.Բ.Ը.Մ. ՄԱՆՈՒԿԵԱՆ-ՏԵՄԻՐՃԵԱՆ ՎԱՐԺԱՐԱՆ At the crossroads of service, excellence, and cultural innovation.

Skip to main content
Main Menu Toggle

Ութերորդ Դասարանի Վկայագիրներու Յանձնման Արարողութիւն

Ապա, իր սրտի խօսքը փոխանցեց 8-րդի դաստիարակ ուսուցչուհիներէն Տիկ. Սիւզըն Թոմաս, իսկ միւս դաստիարակ ուսուցչուհին՝ Դոկտ. Քարոլին Ռոսթոմեանին ներկայացուց իր կողմէ պատրաստուած անակնկալ մը՝ Power-Point-ով աշակերտներուն դպրոցական կեանքէն լուսանկարներ ցոյց տալով: Նոյն ժամանակ Պրն. Սեփեթճեան իւրաքանչիւր աշակերտի համար կարդաց հիւմըրով պատուած քառատողեր, բարձրացնելով ներկաներուն տրամադրութիւնները:

Վկայագիրներու բաշխման համար բեմ բարձրացան Տնօրէն Պրն. Յակոբ Յակոբեան, փոխ-տնօրէնուհի Տիկին Անահիտ Նալպանտեան, դաստիարակ ուսուցչուհիներ Տիկ. Սիւզըն Թոմաս եւ Դոկտ. Քարոլին Ռոսթոմեանի:

Հանդիսութիւնը փակուեցաւ յարգարժան տնօրէն Պրն. Յակոբեանին սրտի զեղուն խօսքերով: Ան իր շնորհաւորանքներուն միացուց բարի մաղթանքներ, նորանոր յաջողութիւններու եւ բարձրագոյն վկայականներու սպասումներով:

Ութերորդցիներու խմբային լուսանկարէն ետք, ներկաները դպրոցին ճաշասրահին մէջ վայելեցին ծնողներուն կողմէ պատրաստուած ընդունելութիւնը:

Շնորհաւորութիւններ աշակերտներուն եւ ձեր աչքը լոյս՝ սիրելի ծնողներ: 

Attached Files